इरानी संसद्को राष्ट्रिय सुरक्षा तथा विदेश नीति समितिका अध्यक्ष इब्राहिम अजीजीले आफ्नो देशले चाँडै नै  स्ट्रेट अफ होर्मुजमा ढुवानीको लागि नयाँ प्रणाली लागू गर्ने घोषणा गरेका छन् ।

उनले शनिबार भने कि यो प्रणाली इरानको सार्वभौमसत्ता र अन्तर्राष्ट्रिय व्यापारको सुरक्षालाई ध्यानमा राखेर डिजाइन गरिएको हो । इब्राहिम अजीजीका अनुसार, व्यापारी जहाजहरू र इरानसँग सहकार्य गर्ने देशहरूले मात्र यो नयाँ प्रणालीबाट लाभ उठाउन सक्नेछन् । उनले यो प्रणाली अन्तर्गत प्रदान गरिने विशेष सेवाहरूको लागि कर लगाइने पनि बताए ।

यसैबिच, इरानी सर्वोच्च नेता मोज्तबा खामेनीका सल्लाहकार मोहम्मद मोख्बरले कुवेत र युएईलाई कडा चेतावनी दिएका छन् । इरानले अहिलेसम्म संयम अपनाएको छ, तर यो सधैँभरि नरहने उनले बताएका छन् । मोख्बरका अनुसार देशहरूले आफ्नो क्षेत्र इरानका शत्रुहरूले प्रयोग गर्न खुला छोडेका छन् । इरानले लामो समयसम्म उनीहरूलाई साथी र दाजुभाइ मान्थ्यो तर अब उनीहरूले आफ्नो स्वतन्त्रता बेचेका र आफ्नो देशको भूमि आफ्ना शत्रुहरूलाई प्रयोग गर्न दिएको उनको भनाइ छ ।