भारतले इरानको राजधानी तेहरानमा भएका भारतीयहरूलाई सो क्षेत्र छाड्न भनेको छ।

भारतको विदेश मन्त्रालयले मन्त्रालयले विज्ञप्ति जारी गर्दै तेहरान छाड्न अपिल गरेको हो ।

मन्त्रालयले इरान पूर्ण रूपमा असुरक्षित भएको समेत उल्लेख गरेको छ ।

मन्त्रालयले अर्मेनियाको सीमा पार हुँदै इरान छाड्न उपयुक्त हुने सुझाव दिएको छ।

मन्त्रालयका अनुसार सोमबार मात्रै ११० भारतीयहरूलाई अर्मेनियाको सिमाना पार गराइएको छ ।

इजरायल र इरान बिच युद्ध चर्कँदै गइरहेको र अमेरिकी राष्ट्रपति डोनाल्ड ट्रम्पले तेहरान खाली गर्न भनेको भोलिपल्टै भारतको यो अपिल आएको हो ।

करिब इरानमा १० हजार भारतीय बसोबास गर्ने तथा काम गर्ने अनुमान गरिएको छ। जसमा करिब ४ हजार विद्यार्थी रहेको बताइएको  ।