वैदेशिक रोजगारमा रहेका नेपालीका लागि होटल फरेस्ट इन लिमिटेडले आईपीओ निष्कासन गर्ने भएको छ। कम्पनीले माघ ४ गतेदेखि वैदेशिक रोजगारमा रहेका नेपालीलाई लक्षित गर्दै पहिलो चरणमा आईपीओ खुला गर्नेछ। यो आईपीओ छिटोमा माघ ८ गतेसम्म आवेदन दिन सकिने व्यवस्था गरिएको छ।

होटल फरेस्ट इनले जारी पूँजी २ अर्ब रुपैयाँको २० प्रतिशत अर्थात् ४० लाख कित्ता सेयर सर्वसाधारण समूहमा निष्कासन गर्न लागेको हो। सो मध्ये १० प्रतिशत अर्थात् ४ लाख कित्ता सेयर वैदेशिक रोजगारमा रहेका नेपालीका लागि छुट्याइएको छ। आईपीओको अंकित मूल्य प्रतिकित्ता १०० रुपैयाँ तोकिएको छ।

वैदेशिक रोजगारमा रहेका लगानीकर्ताले न्यूनतम १० कित्तादेखि अधिकतम २ लाख कित्तासम्म आवेदन दिन सक्नेछन्। आईपीओमा आवेदन दिनका लागि अनलाइन प्रणाली ‘मेरोसेयर’ प्रयोग गर्न सकिनेछ। यस आईपीओको बिक्री प्रबन्धक एनआईसी एसिया क्यापिटल लिमिटेड रहेको छ।

इन्फोमेरिक्स क्रेडिट रेटिङ नेपालबाट कम्पनीले ‘बी माइनस’ रेटिङ प्राप्त गरेको छ, जसले कम्पनीको वित्तीय जोखिम औसतभन्दा केही कमजोर रहेको संकेत गर्दछ। सार्वजनिक आह्वानपत्रअनुसार होटल आयोजना सम्पन्न गर्न कुल ३ अर्ब ४८ करोड रुपैयाँ लागत लागेको छ।

आर्थिक वर्ष २०८१र८२ को वित्तीय विवरणअनुसार कम्पनीको प्रतिसेयर नेटवर्थ ९०.६५ रुपैयाँ रहेको छ भने प्रतिसेयर आम्दानी १६.८६ रुपैयाँ ऋणात्मक रहेको छ।