त्रिभुवन अन्तर्राष्ट्रिय विमानस्थलमा ठूलो परिमाणमा गाँजासहित एक भारतीय नागरिक पक्राउ परेका छन्।

पक्राउ पर्नेमा २२ वर्षीय भारतीय नागरिक अक्षय कुमार रहेका छन्। उनलाई मंगलबार राति विमानस्थल सुरक्षा कार्यालय र लागु औषध नियन्त्रण ब्युरोको संयुक्त टोलीले नियन्त्रणमा लिएको हो।

प्रारम्भिक जाँचका क्रममा उनको साथबाट ८ किलो ५६० ग्राम गाँजा बरामद भएको प्रहरीले जनाएको छ। उनी थाई एयरको उडानमार्फत बैंककबाट काठमाडौं आएका थिए।

हाल पक्राउ परेका उनीविरुद्ध लागु औषध नियन्त्रण ब्युरोले थप अनुसन्धान अघि बढाएको छ।