बेलायतमा बेरोजगारी दर पछिल्ला पाँच वर्षकै उच्च स्तरमा पुगेको छ । सन् २०२५ नोभेम्बरदेखि सन् २०२६ जनवरीसम्मको अवधिमा बेरोजगारी दर ५.२ प्रतिशत पुगेको तथ्यांक सार्वजनिक भएको छ । जसले बेलायतको श्रम बजारमा बेरोजगारी तिब्र रुपमा बढ्दै गएको संकेत देखेको छ।

बेलायतकाे राष्ट्रिय तथ्याङ्क कार्यालय (ओएनएस) को पछिल्लो तथ्याङ्क अनुसार, २०२५ को अन्तिम तीन महिनामा बेलायतको बेरोजगारी दर ५.२५ पुगेको छ । जुन लगभग पाँच वर्षमा उच्चतम स्तर हो। विशेषगरी १८ देखि २४ वर्ष उमेर समूहका युवामा बेरोजगारी दर १४ प्रतिशत पुगेकाले समग्र बेरोजगारी बढ्न मुख्य भूमिका खेलेको देखिन्छ। 

यसै अवधिमा कर्मचारीहरूको औसत आम्दानी ९बोनससहित० ३ दशमलव ९ प्रतिशतले बढे पनि मुद्रास्फीति समायोजन गर्दा वास्तविक आम्दानी वृद्धि मात्र शून्य दशमलव ७ प्रतिशत रहेको छ । साथै, नियमित तलब वृद्धि दर पनि पछिल्ला ५ वर्षकै न्यून स्तरमा झरेको छ, जसले नागरिकको क्रयशक्ति कमजोर हुँदै गएको संकेत गर्छ ।   

रोजगारीको अवस्थालाई हेर्दा, एक वर्षमा तलब पाउने कर्मचारीको संख्या करिब १ लाख ९ हजारले घटेको छ भने पछिल्लो त्रैमासिक अवधिमा मात्रै ३१ हजारले कमी आएको छ । यसले रोजगारका अवसरहरू घट्दै गएको देखाउँछ ।  

विशेषज्ञहरूका अनुसार श्रम लागत वृद्धि, कृत्रिम बुद्धिमत्ताजस्ता प्रविधिको तीव्र विस्तार तथा मध्यपूर्वमा जारी द्वन्द्वका कारण सिर्जिएको आर्थिक अनिश्चितताले श्रम बजारमा थप असर पार्न सक्छ। यही कारणले चालु वर्षभर बेरोजगारी दर बढेर ५ दशमलव ५ प्रतिशतसम्म पुग्न सक्ने अनुमान गरिएको छ ।