अमेरिकी विदेशमन्त्री मार्को रुबियोले स्ट्रेट अफ होर्मुज हुँदै जाने जहाजहरूमा कुनै पनि प्रकारको शुल्क वा अवरोध लगाउने कदम अन्य अन्तर्राष्ट्रिय जलमार्गमा पनि फैलिन सक्ने चेतावनी दिएका छन् ।

 बहराइनमा भएको  खाडी सहयोग परिषद् (जीसीसी)को बैठकमा बोल्दै रुबियोले अन्तर्राष्ट्रिय जलमार्ग कुनै पनि एक देशको स्वामित्वमा नपर्ने स्पष्ट पारे ।

उनले भने, ‘अन्तर्राष्ट्रिय जलमार्ग कुनै पनि राष्ट्रको निजी सम्पत्ति होइन । यदि कुनै देशले आफ्नो भूभाग नजिक भएकै कारण जहाजहरूबाट शुल्क लिन थाल्यो भने, यो अभ्यास संसारभरि महामारीजस्तै फैलिन सक्छ ।' 

रुबियोका अनुसार यस्तो अभ्यासलाई स्वीकार गरिए विश्व व्यापार प्रणालीमा ठूलो अव्यवस्था उत्पन्न हुन सक्छ र अन्ततः अन्तर्राष्ट्रिय समुद्री मार्गहरूमा पूर्ण अराजकता फैलिन सक्ने खतरा रहन्छ ।