मालवाहक जहाजका लागि होर्मुज जलमार्ग खुला छ : ह्वाइट हाउस

 ह्वाइट हाउसले व्यापारिक जहाजहरूका लागि स्ट्रेट अफ होर्मुज खुला रहेको बताउँदै अमेरिकी सेना रणनीतिक जलमार्गबाट समुद्री यातायातको माध्यामबाट निरन्तर सामान प्रवाह सुनिश्चित गर्न तैनाथ गरिएको जनाएको छ ।

अमेरिकी सैन्य कारबाही बढ्दै जाँदा स्ट्रेट अफ होर्मुज हुँदै व्यापारिक ढुवानीमा आएको गिरावटबारे छलफल गर्न आयोजित पत्रकार सम्मेलनमा सोधिएका प्रश्नको जवाफ दिँदै ह्वाइट हाउसका प्रेस सचिव क्यारोलिन लेविटले अमेरिकाले इरानी बन्दरगाहमा प्रवेश गर्ने वा प्रस्थान गर्ने यात्रुबहाक जहाजहरूमा मात्र लागु हुने गरी नाकाबन्दी लागू गरेको बताएका छन् ।

इरानी बन्दरगाहहरूमा प्रवेश गर्ने र प्रस्थान गर्ने जहाजहरूका लागि राष्ट्रपतिले निर्देशन दिएका जहाजहरू अवरुद्ध रहेको समेत उनले बताएका छन् । नाकाबन्दीलाई पूर्ण रूपमा लागु गरिएको उल्लेख गर्दै उनले इरानले संयुक्त राज्य अमेरिकासँग गरेको सम्झौताको सम्मान गरी अनुसरण गर्न असमर्थ भएकाले यो नाकाबन्दी पुनः लागू गर्नुपरेको जनाएका छन् ।

उनले यस क्षेत्रमा ठूलो अमेरिकी सैन्य तैनाथीद्वारा नाकाबन्दी लागू गरिएको बताएका छन् । दश हजार भन्दा बढी अमेरिकी नाविक, मरीन र एयरम्यान, दुई विमान वाहक र २० भन्दा वटा बढी युद्धपोत र दर्जनौं विमानहरूले नाकाबन्दी अभियान कार्यान्वयन गरिरहेको उनले बताएका छन् ।

लेभिटले नाकाबन्दीको पहिलो २४ घण्टामा, युएस सेन्ट्रल कमान्ड (सेन्टकम) ले नाकाबन्दीको पालना गर्ने दुई व्यापारिक जहाजहरूलाई पुनः निर्देशित गरेको जनाएको छ । होर्मुजको जलमार्ग हुँदै व्यापारिक ढुवानीमा नाकाबन्दी नभई खुला रहेको कुरामा जोड दिँदै, लेभिटले इरानी बन्दरगाह जहाजहरूका लागि खुला छ, भनेर सुनिश्चित गर्न अमेरिकी नौसेना तैनाथ गरेको बताएका छन् ।

सेन्टकमले मङ्गलबार, इरानी बन्दरगाह र तटीय क्षेत्रहरूमा आउने र जाने जहाजहरूलाई लक्षित गर्दै नौसैनिक नाकाबन्दी पुनः सुरु गरेको पुष्टि गरेको छ । सामाजिक सञ्जाल एक्समा गरिएको पोस्टमा, सेन्टकमले अमेरिकी सेनाले इरानलाई कमजोर बनाउने उद्देश्यले अपरेसनहरू जारी राखेको छ, जुन वाशिंगटनले स्ट्रेट अफ होर्मुजमा व्यावसायिक ढुवानीलाई लक्षित गर्न प्रयोग भइरहेको बताएको छ ।

सेन्टकमले नाकाबंदीको एक हिस्साको रूपमा २० भन्दा बढी अमेरिकी नौसेनाका युद्धपोत र सयौँ सैन्य विमानहरू यस क्षेत्रमा तैनाथ गरिएको उल्लेख गरेको छ ।