ककरोच जनता पार्टीका संस्थापक अभिजीत दीपकेको अनशन अन्त्य

 ककरोच जनता पार्टीका संस्थापक अभिजीत दीपकेले सोमबार आफ्नो अनशन अन्त्य गरेका छन्। 

समाचार एजेन्सी एएनआईले सार्वजनिक गरेको भिडियोमा अभिजीत दीपकेले आफ्नो भोक हड्ताल समाप्त गरेको देखिएका छन्। शनिबार सामाजिक कार्यकर्ता सोनम वाङचुकलाई दिल्ली प्रहरीले जन्तरमन्तरबाट हटाएर अस्पताल भर्ना गरेपछि अभिजीत दीपके अनशनमा बसेका थिए। अर्कोतर्फ सोनम वाङचुकले सफदरजंग अस्पताललाई पत्र लेखेर संसद मार्चमा सहभागी हुन अनुमति मागेका छन्।

यसअघि अभिजीत दीपकेका पिता भगवान दीपकेले बीबीसी मराठीसँगको कुराकानीमा आफ्नो छोराको स्वास्थ्यलाई लिएर चिन्ता व्यक्त गरेका थिए। भगवान दीपकेले भनेका थिए, ‘अभिजीतले यसअघि कहिल्यै भोक हड्ताल गरेका छैनन्। उनी धेरै समयसम्म भोकै रहे भने उनलाई रिँगटा लाग्न थाल्छ।’

यसैबीच दिल्लीस्थित जन्तरमन्तरमा अल इन्डिया स्टुडेन्ट्स एसोसिएसन (आइसा) का तीन सदस्य नेहा, आमीन र मनिषले २३ दिनदेखि जारी राखेको भोक हड्ताल सोमबार अन्त्य गरेका छन्। विभिन्न सामाजिक कार्यकर्ता, नेता तथा जनप्रतिनिधिहरूको अपिलपछि छात्रहरूले अनशन तोड्ने निर्णय लिएका हुन्।

आइसाका अनुसार अनशन तोडाउन सांसद मनोज झा, राजाराम सिंह र अमरारामको नेतृत्वमा एउटा प्रतिनिधिमण्डल पुगेको थियो। यसबाहेक योगेन्द्र यादव, अधिवक्ता प्रशान्त भूषण, प्रोफेसर अतुल सूद, अभिनेता प्रकाश राज र अभिनेत्री शबाना आज्मीले पनि छात्रहरूलाई भूख हड्ताल अन्त्य गर्न अपिल गरेका थिए।

प्रतिनिधिमण्डलसँगको छलफलपछि छात्रहरूले अनशन अन्त्य गरेका हुन्। अनशन अन्त्य गराउने क्रममा सांसद मनोज झाले छात्रहरूको आन्दोलनले सरकारलाई धेरै मुद्दाहरूमा जवाफ दिन बाध्य पारेको बताए। आइसाका अनुसार २३ दिनको भूख हड्तालका क्रममा तीनै जना छात्रको शरीरको तौल १२ प्रतिशतभन्दा बढी घटेको थियो। यसका साथै उनीहरूको ब्लड सुगर लेभल पनि निकै तल झरेको थियो, जसले स्वास्थ्यमा गम्भीर असर पारेको थियो।