अमेरिकाले प्रतिबद्धता पूरा नगरेसम्म स्ट्रेट अफ होर्मुज बन्द रहने इरानको चेतावनी

अन्तरिम समझदारीपत्र (एमओयू)मा गरिएका प्रतिबद्धता अमेरिकाले पूरा नगरेसम्म स्ट्रेट अफ होर्मुज नखोलिने इरानका संसद् सभामुख तथा अमेरिकासँगको वार्ताका प्रमुख वार्ताकार मोहम्मद बाघेर गालिबाफले बताएका छन् ।

गालिबाफका अनुसार सम्झौताका शर्तमा अमेरिकाले इरानमाथिको नौसैनिक नाकाबन्दी हटाउनुपर्ने, विदेशमा रोक्का गरिएका इरानी सम्पत्ति फुकुवा गर्नुपर्ने र इरानी तेलमाथिका प्रतिबन्ध हटाउनुपन लगायतका प्रतिबद्धता छन् ।

‘म स्पष्ट रूपमा भन्न चाहन्छु किः  नाकाबन्दी हटाउने, जम्मा गरिएको सम्पत्ति रिहा गर्ने, तेल प्रतिबन्ध हटाउने, सबै मोर्चामा धम्की र सैन्य कारबाहीको अन्त्य गर्ने, र ज्ञापनपत्रमा अमेरिकाले सहमति जनाएको अन्य सर्तहरू सहितको समझदारीपत्रमा अमेरिकाले गरेका प्रतिबद्धताहरू कार्यान्वयन नभएसम्म स्ट्रेट खुल्ने छैन,’ गालिबाफले भने ।