अमेरिकी–इरान तनावमा मध्यस्थता भइरहेको पाकिस्तानको दाबी

 अमेरिकी–इरान तनावमा मध्यस्थता भइरहेको पाकिस्तानले बिहीबार बताएको छ ।

पाकिस्तानका सेना प्रमुख सैयद आसिम मुनीरको हालैको तेहरान भ्रमण अमेरिका र इरानबिचको तनावमा मध्यस्थता गर्न इस्लामाबादले गरिरहेका निरन्तर प्रयासहरूको हिस्सा भएको विदेश मन्त्रालयका प्रवक्ता ताहिर अन्दराबीले बताए ।

साप्ताहिक प्रेस ब्रिफिङमा अन्दराबीले भने, “यो भ्रमण पाकिस्तानले द्वन्द्व अन्त्य गर्न र हर्मुज जलमार्ग पुनः खोल्ने पहलहरूलाई सहयोग गर्न जारी राखेको कूटनीतिक भूमिकाको पृष्ठभूमिमा गरिएको हो।”

उनले भने, “तेहरानमा भएका वार्ता क्षेत्रीय तनाव घटाउने, सैन्य गतिरोध तोड्ने र क्षेत्रभरि शान्ति तथा स्थिरता पुनर्स्थापना गर्न वार्तामार्फत समाधान खोज्नेमा केन्द्रित थिए।”

पाकिस्तान चलिरहेको अमेरिकी–इरान गतिरोधसहित आफ्ना भ्रातृ राष्ट्रहरूसँगै मध्यपूर्व र खाडी सङ्कट समाधान गर्न समन्वित र इमानदार कूटनीतिक प्रयास जारी राखिरहेको प्रवक्ताले बताए ।

अन्दराबीले मुनीरको भ्रमणले वाशिङ्टन र तेहरानबिचको मतभेद घटाउन पाकिस्तानका रचनात्मक प्रयासहरू देखाएको उनले दाबी गरे ।

इरानी नेतृत्वले तनाव न्यूनीकरण र क्षेत्रीय शान्ति प्रवर्द्धन गर्न इस्लामाबादका प्रयासहरूको प्रशंसा गरेको पनि उहाँले बताए ।