ट्रम्पसँग युक्रेन र लाल सागरबारे म्याक्रोनको छलफल

फ्रान्सेली राष्ट्रपति इमानुएल म्याक्रोनले अमेरिकी राष्ट्रपति डोनाल्ड ट्रम्पसँग युक्रेन–रुस द्वन्द्व र लाल सागरको अवस्थाबारे रचनात्मक छलफल भएको बताएका छन्। न्युयोर्कमा भेटवार्तापछि उनेले यी विषय विश्व शान्ति र सुरक्षाका लागि महत्त्वपूर्ण रहेको जानकारी समेत दिए। 

म्याक्रोनका अनुसार युक्रेनलाई क्षेप्यास्त्र रोक्ने प्रणालीलगायत रक्षात्मक हतियार शीघ्र र प्रभावकारी रूपमा उपलब्ध गराउने विषयमा दुई नेताबीच छलफल भएको थियो । “यो रक्षात्मक उपाय हो”,  उनले भने । 

लाल सागरको अवस्थाबारे पनि छलफल भएको बताउँदै म्याक्रोनले उक्त क्षेत्र विश्वव्यापी व्यापार र मूल्यका लागि महत्त्वपूर्ण रहेको उल्लेख गरे । उनले ट्रम्पसँगको वार्ता ‘धेरै राम्रो र रचनात्मक’ भएको बताए। हर्मुजको जलघाँटीमा अवरोध उत्पन्न भएपछि लाल सागर प्रमुख तेल ढुवानी मार्ग बनेको भए पनि यमनका हुथी विद्रोहीका गतिविधिका कारण बाब अल–मन्दब जलघाँटी हुँदै हुने ढुवानी प्रभावित हुँदै आएको छ ।

म्याक्रोनले क्यानाडाका प्रधानमन्त्री मार्क कार्नीसँग पनि भेटवार्ता गरेका थिए। अमेरिका–क्यानाडा व्यापार विवादका कारण दुवै देशले एकअर्काका सामानमा भन्सार शुल्क लगाउँदै आएका छन्। म्याक्रोनले संयुक्त राष्ट्रसङ्घको महासभाका क्रममा युक्रेनी राष्ट्रपति भोलोदिमर जेलेन्स्कीसँग पनि भेटवार्ता गर्ने कार्यक्रम छ।