नेतन्याहुको भाषण सुरु भए लगत्तै दर्जनौँ प्रतिनिधि युएन महासभा हलबाट बाहिरिए
आप्रवासन
इजरायलका प्रधानमन्त्री बेन्जामिन नेतन्याहुले संयुक्त राष्ट्रसंघको ८१औँ महासभामा सम्बोधन सुरु गरे लगत्तै दर्जनौँ देशका प्रतिनिधि महासभा हलबाट बाहिरिएका छन् ।
बिहीबार न्युयोर्कस्थित युएन मुख्यालयमा नेतन्याहु सम्बोधनका लागि मञ्चमा पुगेपछि प्रतिनिधिहरू एकपछि अर्को गर्दै हलबाट बाहिरिएका हुन् । उनीहरूले नेतन्याहुको भाषण बहिष्कार गरेका थिए ।
प्रतिनिधिहरू बाहिरिएपछि नेतन्याहुले उनीहरूलाई ‘नैतिक कायर’ भन्दै आलोचना गरे । उनले आफूले बोल्न सुरु गर्नुअघि नेतन्याहुको भाषणप्रति असन्तुष्ट अरू प्रतिनिधिलाई पनि हल छाड्न चुनौती दिएका थिए ।
नेतन्याहुको सम्बोधन इजरायल–प्यालेस्टाइन द्वन्द्व र गाजाको युद्धलाई लिएर अन्तर्राष्ट्रिय दबाब तथा आलोचना बढिरहेका बेला भएको हो ।
