यदि तपाईं अष्ट्रेलियामा नेपाली नागरिकको रूपमा कानूनी विवाह गर्न चाहनुहुन्छ भने, केही महत्वपूर्ण कुरा जान्नु अति आवश्यक छ ।

के तपाईंलाई थाहा छ, अष्ट्रेलियामा विवाह गर्न कम्तीमा १ महिनाअगाडि नै विवाहको सूचना दिनुपर्छ ? यो भिडियोमा अष्ट्रेलियामा कानूनी रुपमा विवाहीत हुन आवश्यक प्रक्रियाबारे जानकारी दिदैँछौ ।

अष्ट्रेलियामा विवाह गर्नका लागि पहिलो त निवेदकको उमेर र वैवाहिक अवस्था हेरिन्छ । दुवै पक्ष कम्तीमा १८ वर्ष उमेरका हुनुपर्छ। यदि एक पक्ष १६–१८ वर्ष उमेरको छ भने, अदालतको अनुमति आवश्यक पर्छ ।

दुवै पक्ष पहिलेबाट वैवाहिक सम्बन्धमा नहुनु अर्थात्, पहिले विवाह भएको भए त्यो विवाह कानूनी रूपमा अन्त्य भएको हुनुपर्छ । जसका लागि पहिचान र जन्म प्रमाण आवश्यक पर्छ । त्यसका लागि पासपोर्ट, पहिलेको विवाह भएको खण्डमा डिभोर्स प्रमाणपत्र वा पूर्व पतिरपत्नीको मृत्यु प्रमाणपत्र आवश्यक पर्छ ।

यी सम्पूर्ण कागजातको अंग्रेजी अनुवाद नै पेश गर्नुपर्ने हुन्छ । कागजात तयार भएपछि विवाह समारोहको कम्तीमा एक महिना अगाडी Notice of Intended Marriage - NOIM मा सुचना दिनुपर्ने छ । यो प्रक्रिया celebrant  मार्फत गनुपर्छ यदि तपाईं अष्ट्रेलियाबाहिर हुनुहुन्छ भने, फारम अष्ट्रेलियन कन्सुलर वा डिप्लोमेटिक अफिसर, नोटरी पब्लिक, अष्ट्रेलियन ट्रेड कमिशनका अधिकृत कर्मचारीबाट प्रमाणित गर्न सकिन्छ ।

विवाह दर्ता सम्बन्धी थप जानकारी अष्ट्रेलियन अटर्नी-जनरलको विभागको वेबसाइटमा उपलब्ध छ

https://www.ag.gov.au/families-and-marriage/marriage/get-married